ERA LA RABBIA, ERA L’AMURI

Chistu unn’è me figghiu.
Chisti un su li so manu
chista unn’è la so facci.
Sti quattro pizzudda di carni
un li fici iu.
Me figghiu era la vuci
chi gridava ’nta chiazza,
lu rasòlu ammulatu
di li so paroli
era la rabbia
era l’amuri
chi vulia nàsciri
chi vulia crìsciri,
chi vulia nàsciri.

Chistu era me figghiu
quannu era vivu,
quannu luttava cu tutti:
mafiusi, fascisti,
omini di panza
ca un vannu mancu un suordu
patri senza figghi
lupi senza pietà.

Parru cu iddu vivu
un sacciu parrari cu li morti. (2)

L’aspettu iornu e notti,
ora si grapi la porta
trasi, m’abbrazza,
lu chiamu, è nna so stanza
chi sturìa, ora nesci,
ora torna, la facci
niura come la notti,
ma si ridi è lu suli
chi spunta pi la prima vota.
Si ridi è lu suli picciriddu.
Si ridi è lu suli chi spunta pi la prima vota

Parru cu iddu vivu
un sacciu parrari cu li morti. (2)

Chistu unn’è me figghiu.
Stu tabbutu chinu, chinu
di pizzudda di carni
unn’è di Pippinu.

Cca dintra ci sunnu
tutti li figghi
chi un puottiru nàsciri
di n’autra Sicilia. (2)